„ჯერ ყავა“

სიმონ ჩიქოვანის ქუჩაზე, მზიურის პარკთან ახლოს, ერთ გარაჟში პატარა კაფეა მოწყობილი — „ჯერ ყავა“. აქ, ჩემი აზრით, ერთ-ერთ საუკეთესო ყავას ამზადებენ, თუმცა მხოლოდ ყავა არ არის აქ შესვლის მიზეზი, თბილი გარემო და ყურადღებიანი მასპინძლობაც მოგანდომებთ დაბრუნებას.

სასმელებს გულდასმით ამზადებენ და სტუმრების გემოვნებასაც ითვალისწინებენ. პირადი გამოცდილებით, გირჩევთ კაპუჩინოსა და კორტადოს, ასევე მატჩასა და ბამბლ ყავას — ესპრესოს ფორთოხლის წვენით. ყავას შეგიძლიათ პატარა კრუასანიც მიაყოლოთ.

თუ მზიურისკენ გაისეირნებთ, გზად „ჯერ ყავაში“ შეიარეთ.